Bukchhak

  Tunlai kan zoram dinhmun han thlir ila, hmun tinah kan la tawn ngai loh leh kan tawn ve tura kan rin phakloh chhiatna leh sualna rapthlak tak tak sawi tur a awm ta fo mai. Ngunthluk taka zirchianna neih a luh thuk fe a lo ngai ta. Thenkhatin khawvel changkannain a ken tel ni ten kan ngai a, amaherawhchu changkanna vang ni lo te pawh a chhan dang te pawh a awm teuh thei tho awm e. Heti em em a ruihhlo hluar ta em em mai hian, chhungkua leh khawtlang nasa takin a tibuai a, kan thalai la naupang tak tak ten nun an hloh a, an boral mek zel a ni.   Ram changkang zawk chauhva awm tura kan ngaih ruihhlo pawh Mizoram pum pui min deng chhuak ta. Ngawlveina hian bu a khuar meka, kan thalai te nitin an liam zawih zawih bawk. Khawpui mai ni lo kan zo khua lamah te pawh chhun zan zawmin duty te an in siam hial tawh bawk. Dan phalloh thil tawlhruk nitin kan police ten an man thu kan hre reng bawk. An man tak loh engzat tak awm ang maw! Heng dan phalloh tawlhrutu te hian sum tam tak an...

Thil engkim hian hlutna a nei vek a, nunna nei leh nei lo thlengin hlutna kan nei a, amaherawhchu, kan hlu vek lem lova, hlutna nei theuh theuh hlu lo mai ni lovin hnawksak zawk te pawh a awm theih awm e.Thil reng reng chu a nih dan tur ang tak leh tangkai taka a awm hian a lo hlu ta chauh thin a. A hlu mai ni lovin a mawiin a zawhawm em em thung si a ni. Mihring pawh kan tihtur kan tiha, kan mawhphurhna kan hlenchhuah zawh poh leh kan hlutna a lo zual zel dawn a ni. Chuti ni lova kan tihtur kan tih loh emaw kan tih loh tur kan tih hian kan hlu lo mai ni lovin hnawksak kan chang zawk fo thin.  I ti thei hi kan in ti fova, kan tih theih loh thil te pawh hi a awm tih hi hria ila. I ti thei in tih ringawt chi a ni lova, amaherawhchu kan kova tla erawh theihloh tum ngawt chi a ni chuang hek lo. Eng theihna nge ka neih? Enge ka tuina? Eng hi nge ka thiamzawng? Ka tih tur ka ti em? Ka tih loh tur ka ti em? Milem betu nge ka nih Pathian nung betu? Chhungkua leh Khawtlang tan ka tangkai ng...

 M ihring kan khawsak honaah hian inzahtawnna,   inpawh tawnna leh inthlawpna kan neih loh chuan rei tak a khawsak ho theihloh a. Kan tunlai khawvel hmasawnna chak tak maiah hian thil tha a ken tel rualin thalo pawh a keng tel ve zel a. Kan thenawmte ai chuan kan chhehvela awm ve lo hmundang daiha mi te kan be hnem tawh zawka. Chhungkuaah ngei pawh kan awm khawm pawn kan sik neuh neuh a kanin be mumal meuh lo a.   Thenawm khawveng tenen pawh kan bang a in hnaih tial tial a, kan thinlung erawh a in hlat tial tial thung si. Changkanna in a ken tel pawh a ni mahna.   Hmun dang daiha mi thil tih that kan hre thei em em a,   kan chhehvela thil tha ti erawh kan hmuh kan lawi si. Kan pi leh pute khan thenawm pawimawhzia an hrechiang em em a, “Thenawmte do aiin khaw sarih do a thlanawm zawk” “Lam hla taka unau aiin lamhnaia thenawmte chu an tha zawk” tiin an sawi thin a. Tunah chuan thenawm nei lo ang main kan khawsa ta a, mahni in kan khawsa thei ta ni awm tak a ni...

 Hringnun a lo in her danglam a; Zawh ngai loh lamtluang ah chuan min khalh phei ve zel a; Hriat than awm lo a thar vek a ni a; Ka phih hnawk chang a tam a, ka pal buak nuai chang lah a bo lo; Tha leh dik ni a ka rin ang chuan ka pal phei ve buan buan mai a; Kawngsira chhinchhiahna lo in tar te chuan khawilam nge a kawhhmuh a enge a sawi tum reng ka man pha lo; Kal zel tur nge din tawh tur?  Vei lamah nge dinglamah?  Mahni a zawh chi a ni em?  Midang hruai tel ve tur nge? A ngaihna reng hre lo in kawng pengthuamah chuan ka lo ding leh vung vung thin a; 

  Ka tihnat loh pui ka tihdam a ngai a; A tawpah chuan tihdam ka ngaih ve phah a.  Ka tihchhiat loh pui ka thawm that a ngai a; A tawpah chuan thuam that ka ngaih ve phah a. Ka huam let ka tuar a, i famkim tawh bik ang chu tiraw? 

I dived into the pool and there was no water; But filled with broken bones and shattered heart.